Sunday, September 28, 2008
الطير المسافر
و أسايس حصاني
و أشعلق أماني
و أطمن مكاني
و بسأل و اجاوب
و أحاور زماني
ايه لو يصادف طيري المسافر
حبة شقاوة و فرح و انسجام
فيحلم بطيرة شقية و جميلة
يلضم ما بينهم خيط الوئام
اصل الحكاية ماهياش لقية
جلسة و قضية
و حبة كلام
و لا مسرحية
و لا تمثيلية
و لا دور انكتب و يالا السلام
الحكاية قلب اخضر
مدّاري جوة المزهرية
تملا مية
الزهر تزهر
ماورد يمكن
أو عطر شامي
مستكة على بلسمية
الوردة لامس خدودها الندي
و المدي
طاب ف انتظاره الخضار
و طبطب عليا
أنا الطير المسافر بعيد
بزقزق و اسابق
شروقى الجديد
و اوشوش ودان الحصان المفارق
و ابيت عليه لا ينسى الوعيد
امانة عليك.....طيرة شقية
بلغ رسالة و وصل هدية
فلو طيرتي هانت ما بينا الخطاوي
و دانت شراقي
و دارت سواقى
و لسه
معصلج
معاكي
الكلام
أهي ريشة منك
تدفى عنيا
Thursday, January 17, 2008
مقاتيل ............ بالعامية المصرية
مقاتيل فوق الركبة
مقاتيل ف الخوف و الربكة
مقاتيل ف الشيبة البدري العاضة ف دماغ الشبان
مقاتيل ف شناب مفروطة من وش الجدعان
مقاتيل ف الوردة اللي انتحرت
مقاتيل ف أدان الفجر الكاذب
مقاتيل ف الصوت الرايح جاي .. نادب
مقاتيل ف الكلمة الريفي الدايخة ف شوارع مصر
مقاتيل ف عمود النشر
مقاتيل ف الآه و اللأ
مقاتيل عايشين بالزق
شكوى.......................................بالعامية المصرية
أنا بدي أشــــــوف و اقرا الحروف اللي بتكتب شـكوتي
و أقولــــــــــها متغشـــنيش قولي بـصـراحة قصــــــتتي
دا انا اللي كان ليا الزمـــــــــان يعمللى هيبة ف طلعتي
و الوقتي راح راح اللي كـان أبكي.. و يمسح دمعتي
و صبحت ماشي بدون طريق و الشوك فارشلي سكتي
تقــصدها ايه يا دهر ليه رميت حصادي ف الهوا
شـــــافني الأمل غمض عينيه و هز كتفه و اتلوى
من مســـكتي نفض ايديه و رماني فوق ف الجوى
و اجيب منين الحــظ فين وانا اللي موزي فيه نوى
نفسي أشوف ضـــــــــحكة امل مرســومة ف منظر جنان
للي انكوى و لا لوش دوا و كلامه ده مالهــــــــــوش لسان
و اطوي الرموش ع الطين يبوش وازرع امل يملا المكان
و نعيش عليه ف حبال ايديه متــشــــــعلقين ف تياب حنان
تقصـــدها ايه؟! يا دهـــــــــــر ليه خليلي م الايام زمان
يا بنت الايه ............... بالعامية المصرية
يا بنت الايه
وحشتيني
و سيبتيني
ابات الليل مع العصافير
تواسيني
البعد ...... بالتغريد
القمر يرسم شفايف
تمد الدفا
و لحن جديد
يملا سكون البرد
اسهر انادي عليكي
تبصيلي
بضحكة جنان قتلتيني
وحشتيني....
يا بنت الايه
زمان الغربة وداكي بعيد كده ليه
بغني غنوة مجروحة ف جوف الناي
طب ازاي
أغمض عيني
تترسم أيامنا من تاني مع الموال
و ترحل مع القمرة
ليالي راحت
و أنا مش جاي
أضمد جرحى
لأ... بواسيه
لأني فيه
بحبك
يابنت الايه
وحشتيني
و سبتيني ابات الليل مع العصافير
تواسيني
Subscribe to:
Posts (Atom)